Anfin lété pa sa é noute zé d’dovinète té apré tourn an ron kan inn la di : dann marshé forin o por i fé panyé garni. Koman i fé sa ? lé sinp, i paré, shak partissipèr(èz) i mète pou dé-troi éro légime,zépiss, toussala, épi kan panyé lé plin, i fé konm in pézé a léstime-mi rapèl pi si i soupèze sansa non, mé shakinn di solon li lo panyé i pèz konbien é apréssa i pèz é sak lé pli pré d’lo poi i ramass la mize. Kontan siouplé pars pou dë-troi éro li gingn o moinss karante éro légime. (…)