Poitan mwin la antande souvan dé foi demoune apré di dann tan la guèr trante nèf-karantsink téi fabrik dosèl issi dann noute péi. I parétré dann tan la guèr dosèl lété rassyoné é déssèrtin moune téi sorte dan lé o Sin-Lé avèk in marmite é zot téi mète zot marmite o fé avèk lo d’mèr dodan épi kan l’avé pi d’lo, ébin l’avé d’sèl. Pa in gran pureté d’sèl, pa in gran kantité, mé assé pou kui lo mayi épi si la shans i voulé fèr zot kari poisson. Mé l’avé d’ote métod pou fé d’sèl : i fo dolo (…)