Astèr pou komanss par l’komansman alon oir in pé kossa i lé lotonomi alimantèr pou nou issi dann noute péi La Rényon. Pou komanssé i fo ni sava fé linvantèr dsu sak ni manz é noute manyèr manzé pars i bouskil pa la fasson manzé in kominoté konm la n’ote si lé pa dan l’obligassion pou fèr. Mi rapèl in zour i ga dann sid la foute amwin inn pik dann in sobatkoz pars mwin la di la baz mèm noute manzé sé lo ri, é sé lo ri dopi in bon koupe de tan. Avan lété mayi, avan mèm lété manyok demoune (…)