Mézami tir boudin kui dann vante koshon, sa la pa sir ditou. Lé konm kan wi vand a krédi pars vand a krédi larzan i ariv ou na poin larzan fé dann posh. Mi rapèl in tan l’avé plin démarshèr issi La Rényon é pou vande zot marshandiz a krédi, zot téi fé in pé pression dsi lo kliyan. L’avé mèm in shanté dsu zot téi di konmsa : « oté démarshèr, oté volèr, assé tir boudin kui dann vante koshon. » Alé ! Mi kite azot rofléshi la dsi é ni artrouv pli d’van. Sipétadyé. Justin