Mi rode pa dé shoz konpliké. Mi rode pa lo luks. Mi rode sinpleman oir demoune partou bénéfissyé in pé lé z’avantaz la vi : in toi dsu la tète, lo kourante, kouran éléktrik, troi ropa par zour, lo droi l’amizman, lo droi la kiltir, lo droi la syanss, lo soin kan la bézoin, lo droi pou travaye, épi toute sak i fé ké lo moune i pé apréssyé la vi, normalman, pa tro mé ziss assé. Mézami mi rapèl kan bann shagossien lété apré diskite avèk band zanglé pou lo droi rotourn viv shé zot, dann zot (…)