Mi rapèl in marmaye l’avé di amwin in zour si pou zanfan konm li lété pa possib mète la mizèr orlaloi, é fèr an sorte ké lé pa prévi dann lo péi, bande zanfan i konète la mizèr. Mé mwin la domande ali, pou li, kossa i lé in zanfan pov. Pars mi di ali, dann tan mwin lété marmaye, mi rapèl bien la plipar bann zanfan té pov, mèm mizèr. Mi rapèl sa par déssèrtin détaye : Par ébzanpe, mi rapèl, kan mwin téi sava katéshiss Sinte Klotide, néna dé marmaye téi tonb fèb dan la mèss alé oir d’ote i (…)