Mézami, fitintan demoune lil Bourbon, téi fé plizyèr maryaz — pa par divors-té défandi dann tan — mé pars la vi d’moune té pa tro long osinonsa l’avé in gran dékalaz rante laz lo mari épi laz lo madam si tèlman ké demoune téi fé bonpé maryaz. A s’ki parâit Françoise Chatelain la fé kate maryaz é la gingn bonpé zanfan. Pandan lontan téi di èl té la gran-mèr toute bande rényoné. Antouléka i di d’in moune k’i fé bonpé maryaz é k’i antère kissoi son bande mari, kissoi son bande fam ké li néna (…)