Zoué lo sor ! Ala kékshoz demoune i fé bonpé issi La Rényon é in pé pou toute rézon, pou bon konm pou mové l’intanssion. Pou fé lo brav mi di souvan, mi s’anfoutsa, mé kan mwin lé konfronté avèk sak i zoué lo sor lé pa parèye ditou. Défoi mi di, mwin la poin l’éspri fèb, é sak i zoué lo sor, lo sor va rotourn konte li. Mé fransh vérité kissa k’i koné si lo sor va kass par boute sansa si li va fé son l’éfé. Alé ! Mi kite azot rofléshi la dsu é ni rotrouv pli d’van. Sipétadyé. Justin