Mézami, kozman konm nou la mète an-o la, sa i apèl in provèrb é li invite anou a méfyé l’aparans. I paré sa téi anparl in boushé an vré, son bra té sèk, mé la fors anndan té in kroiyab é okin gro bèf téi fé pèr ali. I di ossi, « méfyé lo k’i dor » mé sa i vé pa dir san pour san lo mèm zafèr. Sa i vé dir lo danzé lé bien kashé li pé éklate a l’èr, a la minite. Mi kite azot rofléshir la dsu é ni rotrouv pli d’van, sipétadyé. Justin