Mézami, zot i koné késtyonn linz dann tan lontan té i ariv, inn téi kass lé kui l’ote é sirtou kan l’ote i mète in linz nèv, konte dsi oute bande dalon pou moukaté. Pou koué sa ? Pars lontan dan lo milyé popilèr téi abiye pa si tèlman bien antouléka téi déshir pa porte-moné pou sa. L’avé dé sirkonstanss dan la vi pou abiyé : baptème, kominyon-konfirmassion, mariaz é sa linz maryaz téi dir inn vi épi lo dèrnyè foi sé kan oute min lé kroizé dsi oute léstoma. Sa linz-la téi rèst in vi dann (…)