Mézami dopi néna d’moune La Rényon nou la koni la rishèss pou in pé, la mizèr pou d’ote. Sa lété vré tou l’tan lésklavaz : bann mète té rish mé pa toute, bann zésklav lété mizèr é toute lété mizèr… L’ané 1848 lésklavaz té aboli lo 20 déssanm, mé langazism l’avé komanss avan épi la kontinyé apré : bann zangazé té pov é toute la bann té pov, bann pti-blan té pov é la plipar té pov, bann zangaziss la plipar lété rish sirtou si ni mazine bann gran zangaziss. Dann tan la koloni l’avé in minorité (…)