Mézami, mi koné pa si zot i koné kozman-la… sa téi di avan dann salon bal pou innvite in jenn fiye pou danssé. Pou mon par mwin la antann sa in foi, kan mwin l’avé uitan par-la é mwin té invité avèk mon famiye pou in maryaz dann salvèrte é mwin té i rogarde bann jen-jan apré invite bann jenn fiye pou danssé. Mi rapèl lo pti koméraz moushoir blan. Mwin té i rapèl galman bann formil épi lo rogar sévèr lo bann momon. Zordi mi di lé domaz lo tan-la lé fine passé pars fransh vérité sa lété bine (…)