Mézami mi koné pa si zot sré kapab trape in zèf avèk in las ; mi pans spa sa lé fassil pou fé mé si wi fé sa i vé dir ou lé drolman adroi. Mé pa solman adroui ou sé galman in volèr arivé. Mi rappel in ga, in pé travayé par la fain, téi sava dann toute landroi poul lé zot i sava ponde é avèk in spèss las li l’avé fé li-mèm li téi vol lo zèf in poul i sorte ponde. Romark bien mwin la konète ossi in boug téi sava l’égliz épi avèk in sinp pti baton la kol li téi tir larzan dann lo tron ziska (…)