Mézami i di souvan kréol néna kèr maléré. Sa i vé dir li néna labitide plégné, konsidèr li lé viktime linzistiss, rogarde bann zotorité konm lo fèr d’lanss linzistiss li lé viktime. Dizon olèrk d’ète pozitif zot lé négatif la plipar d’tan. In pé i di noute listoir la lèss son trass dann noute karaktèr. Mi koné pa si lé vré mé a bien rogardé, si in pèp la konète la moityé son listoir lésklavaz épi la trète bann noir. Si lo réstan son listoir li lé dann in rézime kolonyal ébin lé sir sa i (…)