"Sat nana, na pou gaté ; sat na poin, na poin di tou". Françoise Guimbert i sant. Kan moin té véy lo nouvo magazine RFO, romans la té arèt pa kriyé dann mon tét. Solman mi pé pa dir moin té koné pa. Lo zour avan, Huguette Bello té trinn di komansa lé difisil pou domoun trouv in toi. Toulézour nout zournal i dénons lo minm zafèr. Toulézour dopi plizièr zané. Epi na pa rienk zournal é, défoi, radio-télé i amont anou sa. Nou minm si ni rouv in pé nout kanèt nou pé oir koman la vi lé malizé (…)