Déza mi pé dir lo projé pou toute demoune an avoir in mini stassion éléktrik solèr son kaz, sé galman in projé k’i sava dann sanss lintéré La Rényon é myé k’sa pars li rokoné demoune atèr dan noute péi konm prodiktèr é pi solman konm konsomatèr. Mi oiré bien in madam, sansa in méssyé, in jenn, mèm in gramoune apré dir avèk son famiye, zordi mwin lé fyèr pars mwin la nyabou produi kouran pou mon famiye, mèm in pé pliss pou rovande lo sirpliss l’edf. Donk sé konm prodiktèr ké mi prézante (…)