Dèrnyé foi nou la anparl zoignon épi nou la vi kan in gran péi konm l’Inde kan li bloke lésportassion sé nou k’lé bien annuiyé. Néna dé-troi moi té in n’afèr d’tomate é dopi kéktan sé lo ri k’l é movèz kalité — la plipar d’tan li kui an sosoi, an koltar é mi yèm pa sa… Si ni rogarde do pré lo problèm tomate, lo problèm zoignon épi lo problème dori, ni apèrssoi nou lé mal baré. Pou kossa ? Pars bann gran péi koméla zot i oi zot popilassion goumanté, mé lo nivo d’vi le moune lo monté galman (…)