Mézami, mi panss zot la fine oir fourmi ral kankréla. Fourmi lé pti é kankréla lé gro mé kan bann fourmi i réini zot fors ébin zot lé kapab ral lo gro zinsèk. Mé si ni lèss par koté lo zistoir d’fourmi é lo kozmann kankréla, kossa kozman-la i vé dir ? Mi panss sa i vé dir sinpleman si ou lé solidèr ou lé kapab fèr dé shoz é sa lé vré biensir pou nou an sossyété. Alé ! mi kite azot rofléshi la dsi é ni rotrouv pli d’van, sipétadyé. Justin