Mézami wala in kozman mi panss noute toute i koné é souvan défoi si nou la pa di nou mèm, nou la antann dir kissoi par noute bo-père sansa par noute bèl-mèr… Lé dir trouv son plass si ou sé in pyèss raporté. Antouléka sé sak mwin la romarké, tazantan, pa toultan. Pou koué ? Pars néna bann madam i ador zot zann si sète-la sé in gro flatèr ; zot i dor mwin zot fiye siploman pars li lé shikpèk. Laparanss ! Pars si lo zann épi son madam la paye la brilé, wala ké lo zo toudinkou i arsoutien (…)