Mézami pou rèss ansanm lontan i fo lo dë san i akorde é pou akordé i fo lé sirkonstanss lé réini. Pa in tro bon sirkonstanss tèlman mé souvan lantante lé simanté avèk la difikilté. Afors manz ri sèk ansanm zot la fini par bien antann. I di galman afors manz la mizèr avèk piman krazé zot la fini par bien akordé. Zot i panss demoune i viv dann liks lantante i tien pa ? Lé a oir. Antouléka i anpèsh pa réfléshir la dsi. Alé ! Ni artrouv pli dvan sipétadyé. Justin