Mézami zot i koné lé pa défandu trape in patoi dann la lang lé z’ote, pou amenn dan la siène é an pliss koméla, avèk l’internet, in kozman dan la lang in n’ote i pé vni dan la n’ote san problèm. Sé pou sa, mi panss lo trin onz sé la marsh a pyé. Piu kossa ? Pars kan ou lé doboute oute dë baguète inn koté l’ote i fé konm lo nonm onz. Astèr in pé va dir patoi-la sa i sorte dirék dann noute lang mé fransh vérité mi kroi pa. Mi kroi plito sa in produi inporté é mi kite azot rofléshir la dsi (…)