Apréla, gramoune Biganbé ek Tonton Nénèl i bour do-boi dan lo four : filao, grévilèr, kasia… Lo four i boukann in kou (Tikok i anprofit po alé oir, déor, « la barb mon gran-pèr i sort par la sominé »). Apréla, do-fé i donn di-gaz, i sif, i sant, i pèt, i arèt pi ! A-s’moman-la, lé dé gramoune i sava, i bit la kirbit (otroman di : lo sodièr) ansanm brans zerniom vèr. Kan lé plin, zot i vèy : dèk la fimé i komans sort dan lo fey, zot i foul ek zot pié. Anlèr la kirbit ; tou lé dé lé konm dé (…)