Mézami sépa si zot la romarke in n’afèr sinp : kan wi sava dann biro si toute oute papyé lé konform, si wi pran aou dan le tan, é si ou lé pa in moune néna la shiass, wi gingn satisfakssion plito an vitèss. Solman pou sa, i fo pa wi kroi ladministrassion lé a oute sèrviss, pars fransh vérité sé ou k’lé a son sèrviss. Sé ou k’i doizète in figuir agéab pou lo bann birokrate. Dizon lé in pé konm dan la vi : dan la vi i fo wi sava o devan, é sirtou i fo pa wi atann lézote i vien o devan d’ou.. (…)