Mézami koméla néna plizanpliss zafèr pou fatigué kissoi bann zafèr la guèr, kissoi bann zafèr la maladi, kissoi bann krime épi bann lagréssion, kissoi ankor bann fénomène natirèl, kissoi ankor la mizèr épi la fain. Konm ni di rantre nou, issi La Rényon sé in rashkèr — i pé dir ossi in larashkèr. Fransh vérité sé koté lo kèr ké ni soufèr bonpé a oir dé shoz konmsa é dé shoz konmsa sa i anmanke pal o tan ni viv koméla. Mi rapèl lo tan mwin lété marmaye é ké mon papa téi rakonte a nou son (…)