Mézami issi La Rényon, travaye lé rar konm korn lapin é an pliss ké sa, la plipar d’tan li lé mal péyé. Bonpé d’moune i s’anplègn de sa. Souvan défoi mèm lo minimom i gingn pa avèk sa. Lé pa ké lo salèr lé si tèlman fèb, mé an rézon la shèrté d’la vi lé difissil pou zwinn lé dé boute par l’milyé. Drol de péi kant mèm avèk trépé k’i gingn bokou é bokou k’i gingn trépé. Alé ! Mi kite azot rofléshir la dsi é ni rotrouv pli d’van, sipétadyé. Justin