Mi sorte antann dsi radio Fridom lo kozman gro momon -Kékshoz mi yèm ékouté fransh vérité é lo kozman vantredi lété : « zafèr Tanbi i rogarde pa Soubaye. » é mi oi sa konm in linvityassion d’arète okipé… Sa la fé rapèl amwin kozman mwin la marke an-o la -in kozman mwin téi antann souvan étan marmaye é kan mwin lété anparmi. Alé ! Mi kite azot rofléshir la dsi épi garde sa, si zot i vé, konm i règ de vi dann noute sossyété é ni artrouv pli dvan, sipétadyé. Justin