Kozman ni anparl zordi sé pou dir, kan i done aou in n’afèr osinonsa i rann aou in sèrviss i fo dir mèrssi. Pou kossa ? Pou ète poli sinploman pars la politèss lé né avan nou, antouléka avan toulmoune k’i égziss zordi. Néna dé foi lo mèrssi lé pa si tan tèlman bien vi ké sa.I di pa : « avèk mèrssi i sarpa la boutik » ? Mi oi la inn fasson dévaloriz la politèss par rapor larzan. Alé ! Mi kite azot rofléshir la dsi é ni retrouv pli dvan, sipétadyé. Justin