Zot i koné dann bann famiye lé pa touzour k’i fé in maryaz avèk lo konsantman toulmoune, la famiye, épi la bèl famiye alor i fo trouv in rézon pou dir lo garson lété aranjé é pou dir sa, i di li la boir delo bandèj. Vré, sansa fo, oziss mi koné pa bien, mé mi panss pa in pé delo malprop i sifi pou angaj in garsson dann in maryaz. Sirtou ké lontan lo maryaz lété pou inn vi é divorss-la lété plito rar. Dizon sé lo kozman k ‘i vé sa, mé final de kont pèrssone la pankor gingn prouv kékshoz (…)