Astèr kan i di i ravaz pa guèp dann son ni, pou mwin sé in konssèye sazèss, pars in guèp i vol, li fé pa ou arien mé si wi sava ravaz guèp dann son ni lé bien possib lo guèpe i fé pèye aou sa. Parlpi si wi bonbarde son ni kou d’galé sansa wi flank kou d’baton pars san féromark aou guèl i débark si ou é antansion malèr. Astèr si ni obliye in pé lo guèpe épi son ni, ni rotien la sossyété lé ranpli danzé é si ou lé pridan wi sava pa dann kékshoz danzéré pars wi koné bien mové zafèr v’ariv (…)