Bann léktèr nout zoinal « témoignages, » pou ban z’anssien — i koné koman la vi politik mèm la vi toukour lété dirijé kont nout parti kominiss épi tout sak téi suiv ali. Par kont bann zéléktèr d’droite viktime nout parti-d’apré lo moune i témoign-lété bien rar. Dann tan-la nou téi viv dann in diktatir anti-kominiss é toute bann kor sossyal téi partissip sak ni pé apèl shass bann sorssyèr : kissoi la préféktir, kissoi konsèye zénéral, kissoi ankor bann komine dann tan l’avé pwin in sèl méri (…)