Mé d’ète kapon sa i pé an avoir in lavantaz :pou Daniel Honoré néna in avantaz d’ète kaponèr .Wi pran pa bann risk initil é ou néna dé shanss pa gingn lo kou.Antouléka wi gingn mwinss ké sak i pran in bonpé lo risk. Finalman mi koné lo kozman mé mi yèm pa li pars la sossyété i préfèr la fyèrté avèk la pèr é ni pé dir kapon i pran pa konm shoi d’ète kapon é sa i ariv konmsa. Alé ! Mi kite azot rofléshir la dsi é ni retrouv pli dvan sipétadyé. Justin