L’avé sèrvyete éponz téi sèrv an réspé é torshon d’pyé téi sèrv san ménazman. Défoi afor ral dossi téi déshir. Antouléka mé zami torshon d’pyé té pa trété an égal avèk sèrvyète. Sé pou sa kan dann travaye, sansa dann la sossyété an zénéral kan in moune té mal-trété téi di i ansèrv ali konm torshon d’pyé Mèm si koméla na pi tro torshon d’pyé lo fon d’lafèr i bouz pa. Sé pou sa, mi invite azot bien rofléshir la dsi é ni retrouv pli dvan, sipétadyé. Justin