Mi di sa konmsa mé o boudikont mwin la viv dann in famiye la règ lété pa dmann arien bann zotorité pars si ou lé rouj la méri téi zap aou… Mi rapèl mon papa téi ashté ziska langré siklone pou son kamarade kominiss pars li té sir l’ot nora pa gingn ditou. An atandan ou i antann parl l’égalité par paké, in l’égalité bien mal améné dann nout péi La Rényon : va touzour dir aou, va fé si, va fé la, é oboudikont wi oi pa in péi épi in sossyété inégalitèr konm la n’ote. Alé ! Mi kite azot (…)