In pèr mal fondé sansa in pèr bien fondé. Malfondé pars nou téi kroi toutsort kouyonad konm loto rouz, konm la fanm san tète, konm d’ot kroiyanss. Bienfondé pars ni rapèl bataye dann tan zélékssion é ni ansouvienn sa ziska zordi. Donk kan nou téi di nout kèr i bate dann nout do, sa téi vé dir nout kèr téi bate for pars la pèr téi trap anou toudinkou é téi trap anou for mèm. Alé ! mi kite azot rofléshir in kozman konmsa é ni retrouv pli dvan sipétadyé. Justin