Astèr si ni parl bèf, ni oi néna lo mo « bèf kari » donk in moune pli fèb, karéman inféryèr dann in sityassion doné konm in nouvo travayèr dann shantyé, in nouvo zélèv dann in gran klass. Dann zistoir Kristian mi lir : « In pé la komanss gougnard amwin é la di bèf kari l’arivé. » An parlan touzour d’ bèf néna in kozman dann mon tète i di : bèf dovan i boir lo prop, bèf déyèr i boir lo sal. Mi rapèl lékol l’avé in gran marmaye abizèr dsi é li téi fé pass mizèr in pli nouvo, in pli pti ziska (…)