Iér soir La Rénion la koz sanm lo Québec, gouverrnman, zinstitision la koz ansanm, mé osi é sirtou bann zanfan la parti là-ba la giny koz sanm zot gramoun par viziokonférans. Té fé troi moi banna lavé pankor vi azot. Lo kér té gro, non, lo kér té plin. Si pou inn dé na lèr vréman pa fasil, koman fé la diférans kan zot i plér ant lo plézir oir azot sansa la difikilté viv son tousèl loin là-ba. Pou la plipar, ou oi bann lé vréman gayar, lé vré la fami i mank, mé kom di lot, ou giny déza (…)