Papa Noèl, minm na poin la nèz La Rénion, marmay rénioné i atann ali dopi lontan. Sapin la fine rant dann kaz, bien sir inn ti krèsh andsou i rapèl sa lo zour baba Zézi la énèt. Mé marmay koméla i pé pi kroir Papa Noèl. Li oi bien tout bann zoué lé dann katalog, dann magazin. Li la fine konprann, sa papa momon i asté. I sanz pa rien si la loi : si li rès pa trankil, li la pèr kado na poin pou li. Gran moun i dovré pi kroir Papa Noèl non pli. Kisa i aspèr ankor in zès l’Éta sinonsa l’Érop ? (…)