Moin té po véy marmay rod do zéf dan la kour lérk moin la kalkil in kou samdi-dimans-lindi là, si na domoun i ropoz, na dot i travay minm. Kinm Pâques, kinm zour d’l’an Tamoul, sat i kraz zot banane i manz la po patate. Si zour d’l’an Tamoul i nyabou tonm in zour férié, tan mié. Si ankor sat té travay in zour férié i giny fé respék son droit travayèr, lé bon. Mé roulé kom i roul koméla, i roul kari sou d’ri. Alé marmay, rod sokola. Justin