Le CPE lé mor é bien mor, viv tousat la antèr ali ! San atann dézan ou douzmoi, le gouvernan UMP - “papa” le CPE - la drès son kontra lisansiman, diman motivé siouplé : la popilasion i vé pa la prékarité ! In viktoir pou tousat té mobilizé dopi plis’ démoi kont in kontra té vé ramène travayèr dann tan lantikité. Zène, moin zéne, liséin, étidian, travayèr, min dann la min, tout ansanm, la vni abou le CPE. Dann linité, la lite i fini touzour par péyé ! ! Mé le problèm lanploi la pa dispari (…)