Iér moin té mars dann somin, mi tonm si in fami i koup la rout, lo fanm i plèr. Sé pa si lo boug lavé ronf si li, sansa tap ali, mé li té pa tro fièr kan li té mars a koté, tourn son sové si son tét. Déryèr dé ti fi i mars, lo pli gran na zéklèr dann zié. Dann zié fi-la, in révolt, in kolèr. Dann zié fi-la moin la vi él té pa bon ék son papa. Son ti sèr i suiv déryèr. Na pi la min pou doné, rienk koudklak, na pi kozman rienk koudgélant. Ousa ni sava komsa ? Kosa mi pé fèr ? Justin