Ièr nou té koz linité. Mé linité i vé pa dir : done la min, mon dalon va travay pou moin. Sa i vé bien dir : done la min mon dalon, na travay ansanm. Akoz nou lé kap sanz la vi, aminn in afèr ansanm san larlik, san lariaz. Kosa ou sa fé pou sanz lo monn zordi ? Mi domann pa ou bonpé, zis in lidé név pou sak zour bondié i fé si la tèr. Pa rienk in lidé, mi domann in santiman, inn fors, inn manièr débouz nout kor, démavouz nout kèr. Justin