Arèt kas anou lé kui, arèt palank nout lespri. Antouka, i fodra bien in zour zot i koné kan zot vant lé plin. Ala dépi 2001, bann travayèr navé sinkant-sink an, ziss parkoté lèr la rotrèt, téi done zot plass bann zèn po ranplass azot. I apèl ali Congé solidarité. Tout la bann la di : "ala in gayar manièr po tass moyen palank shomaz-là". Bann zèn la profit sistèm-là po sort dann gafourn lasistanss. É ankor, kan zot téi vienbou profit lasistanss. Ala pa bann kanyar l’UMP la désid mèt dofé (…)