Bann Réyoné, sat zot zansèt té sinoi, l’ariv La Rénion dabor konm zangazé dési gran bitasion. 1848 apartir, mé sirtou dopi 1890 ziskan 1939, nana in bonpé la ni èk kontra zangazé sansa kontra "voyazèr san zangazman". Soman la pa amizé, so bann Réyoné la, la travay rienk dan komèrs, minm si té malizé pou zot gingn lotorizasion. Ti boutik la, la tonm lo pli méyér plas pouk domoun dan lé-o épisa dan la vil té rankont inn é lot, sa par rapor propriétér boutik sinoi lavé bon fon épi té suiv (…)