Kosa i rakonte pa avan zélèksion ? La, konm mi voi an Frans ans’moman, toute kalité kandida ou, sinonsa, kandida la kandatir i sorte dann trou. Prèsk in karikatir. Propozision an pagay. Na poin dot ke zot i poura vni abou tir la Frans’ dann la soufrans’ ! La pa limilité va touf azot. Le pli dramatik sék, dann tousala, la plipar anparmi lété déza dann le pouvoir. Kosa zot i sar fé domin kan sat zot la promète ièr, ziska zordi, zot la pa fé ? Na inpé mèm dann le gouvernman aktièl, i fé (…)