Somèn-là nana in takon zafèr po fé, po voir, po konprann, dési nout kiltir La Rénion. Soman, i fo pa rienk bate la lang. Annatandan, kabri i manz salad é marmay i manz Makdo. Talèr brèd va blok gozié Kréol ! Si lé bien tout la bann i fé in kont dann kolok èk nout kiltir, i analiz ali sans’ desidésou, fo bien zot i konpran sa la pa goni vid i tienbo doboute par anshantman. An longèr lané, tout sat i travay po la lang, po la mizik, po la pintir, po la skiltir, po la dans, po téat nout péi, (…)