Kamarad Paul avèk premié ministr la frans i sort sign dé kontra pou mèt an-lèr : lo tram-trin épi in nouvo rout an kornish. Total-kapital i kont par miliar lëro. Oté ! Mon bann dalon la-pa-invant-lo tièd, kalkïl in kou ! Sa i sa fé rant nout péi dan la modèrnité, dëmoun nora lë shoi : pran son loto sak i vé pran son loto, pran lo kar sak i vé pran lo kar, pran lo trin sak i vé pran lo trin, pas par an-ba sinon pas par an-lèr. Kalkil in pë koman dëmoun i sa grouyé, la nuit konm la zourné. (…)