Nana bien lontan, moin la domann in moun téi koné bien la lang kréol, kaziman in savan*, si nout lang lavé in l’avnir. Li la réponn amoin konmsa, malérèzman, pti lanp-pti lanp, nout lang va disparèt akoz lo pouvoir kolonial va fé toutt sak i fo pou sa. In bon pé d’ tan la passé, sinkant an o moinss. Nout kréol rénioné lé la épi lé bien vivan. Pou kossa ? Mi panss akoz nout lang kréol, sa i fé parti d’nou,d’nout lidantité konm la shèr, avèk bann zo, épi bann gran sistèm i rann nout kor (…)