“Flo” N’in romans po kadans Dann kanotman mon lam An balotman la mèr N’in romans po fiyans An maloyans mi yinm Out dolortman lamour Aou dann out zénèzté pomé Amwin sanm mon vyéyèzté frizé Dann vyé marmit mon kèr Ma kari pli méyèr Rak out lang an kiyèr Vir mon lam anlanvèr Dann vyé fèy fig mon kèr Ma moultani in bonèr Pas lardèr flanm out zyé Po li défarlangé Dann vyé soubik mon kèr Fé bwar amwin dolo bandèz Anmar amwin dann bèr Kinm pi kab an kapor Ma anbwa mon (…)