Troi marmay-là té troi dalon dépi la énèt Lopital Sin-Lui. La viv dan lo mèm kartié, kaziman la mèm kour. Rièl badamié, koté madam Dou Sin-Lui, èk son bann tizane pandié. Marmay té kroi ali sorsièz tèlman li té parèy in zoboulmouk, vilin vèy pa. Ziss son kozman ladilafé té fé aèl fanm tizanèz, éspésialis rougay Freedom si radio Bagdad, èk in lodèr tizane po songné. Kania, toultan téi mazine aèl. Son tant bordmèr, plinn grèyman, navé touzour in lespèss poison, kisoi in rouz, po madam Dou. (…)