Pou sak i koné rogard in pé nout péi viv, La Rénion lapré batay pou son dévlopman. Sa in vré batay i mérit ali, i mérit son pèp konm diré bann mizilman "la mère des batailles”, in batay pou dévlopman dirab. Alor so dévlopman dirab sé pou nou in ka d’vi ou d’mor konm pou in bonpé péi, in bonpé pèp sï la tèr. Donkalor, dann in nafèr konmsa, nana sak i kroi pa, akoz zot lé tro intélizans konm di mon kamarad la pa invant zèf bouyi. Li armèt èk sa : zot lintélizans lé bordé avèk "la kouyonis". (…)